આઇ ખેડુત પોર્ટલ પર ખેડૂતોને સ્માર્ટફોનની ખરીદી પર સહાય યોજના માટે ઓનલાઇન અરજીઓ અર્થે તા. ૧૫ મી મેથી આઈ- ખેડુત પોર્ટલ ખુલ્લું મુકાશે

*આઇ ખેડુત પોર્ટલ પર ખેડૂતોને સ્માર્ટફોનની ખરીદી પર સહાય યોજના માટે ઓનલાઇન અરજીઓ અર્થે તા. ૧૫ મી મેથી આઈ-

ખેડુત પોર્ટલ ખુલ્લું મુકાશે*

ભરૂચ- સોમવાર :- સમગ્ર રાજ્ય સહિત ભરૂચ જિલ્લાના ખેડુતોને ખેતીવાડી વિભાગની વિવિધ સહાય યોજનાઓનાનો લાભ
ઘરઆંગણે સરળતાથી ઉપલબ્ધ થાય તેવા શુભ આશય સાથે www.ikhedut.gujarat.gov.in પોર્ટલ તૈયાર કરવામાં આવેલ છે. આ
પોર્ટલ મારફતે વર્ષ ૨૦૨૩-૨૪ માટે સહાય અરજીઓ મેળવવાની થાય છે. રાજ્યના ખેડુતોને ખેતીવાડી ખાતાની પાણીના ટાંકા
બનાવવા સહાય અને સ્માર્ટફોનની ખરીદી પર સહાય યોજનાનો મહત્તમ લાભ મળી રહે તેવા આશયથી રાજ્ય સરકારશ્રીએ સને
૨૦૨૩-૨૪ માટે આઇ ખેડુત પોર્ટલ તારીખ ૧૫/૦૫/૨૦૨૩ ના રોજ સવારે ૧૦:૩૦ કલાકે થી ખેડુતો દ્વારા ઓનલાઇન
અરજીઓ કરવા માટે ખુલ્લું મુકવામાં આવશે. વધુમાં આ વર્ષે અરજીઓ મેળવવા બાબતે સુધારો કરી લક્ષ્યાંકની ૧૧૦% મર્યાદામાં
અરજીઓ ઓનલાઇન થાય તે મુજબ નક્કી થયેલ છે. જેને ધ્યાને લઇ રાજ્યના તમામ ખેડુતોને આ ઘટકોમાં સહાય મેળવવા માટે
વહેલા તે પહેલાના ધોરણે ઓનલાઇન અરજી કરી, અરજીની નકલ પોતાની પાસે રાખવાની થાય છે. પૂર્વ મંજુરી મળ્યેથી અરજીની
નકલ સાથે જરૂરી સાધનિક દસ્તાવેજ આપને સબંધિત કચેરીએ મોકલવાના રહેશે.
વધુમાં અન્ય ખેતીવાડીની સહાયકારી યોજનાઓના ઘટકો માટે સમયાંતરે સરકારશ્રીમાંથી વહીવટી મંજૂરી મળ્યેથી
આઇ ખેડૂત પોર્ટલ પર અરજી કરવા માટે પોર્ટલ ખોલવામાં આવશે. જેની નોંધ લેવા ભરૂચ જિલ્લાના ખેડૂતમિત્રોને જિલ્લા
ખેતીવાડી અધિકારીશ્રી દ્વારા એક અખબારી યાદીમાં જણાવાયું છે. ભરૂચ ચાણક્ય સમાચાર